စာရေးဆရာနှင့် ဓမ္မပညာရှင်ဖြစ်သူ Russell Moore (ရာဆယ်လ်မော)သည် သူ့မွေးစားသားများနေထိုင်ခဲ့သည့် မိဘမဲ့ဂေဟာ၌ ခြောက်ခြားဖွယ်တိတ်ဆိတ်မှုကို သတိထားမိသည်။ ကလေးသူငယ်များသည် ငိုသော်လည်း သူတို့ငိုသည်ကို ဂရုတစိုက်ချော့မည့်သူ မည်သူမျှ မရှိသည်ကို သိသောအခါ မငိုကြတော့ဟု နောက်ပိုင်းမှ လူတစ်ဦးက ရှင်းပြသည်။
ခက်ခဲသောအချိန်များကို ရင်ဆိုင်ရသောအခါ မိမိကို မည်သူမျှမကြား၊ နားမလည်ဟု ကျွန်ုပ်တို့ခံစားရကြသည်။ အဆိုးဆုံးမှာ ကျွန်ုပ်တို့အော်ဟစ်ငိုကြွေးသံကို ဘုရားသခင်မကြား၊ မျက်ရည်များကိုမမြင်ဟု ခံစားရနိုင်သည်။ သို့သော် ဘုရားသခင် ကြားပါသည်၊ မြင်ပါသည်။ ထို့ကြောင့်ပင် အထူးသဖြင့် ဆာလံကျမ်းတွင်ပါဝင်သော အသနားခံခြင်းနှင့် အခိုင်အမာပြောဆိုဟစ်ခေါ်ခြင်း ဘာသာစကားကို ကျွန်ုပ်တို့လိုအပ်ခြင်းဖြစ်သည်။ ဆာလံသီချင်းရေးသူများသည် ဘုရားသခင်၏ မစမှုရရှိရန်အတွက် အသနားခံကြပြီး၊ ကိုယ်တော်အား ဟစ်ခေါ်လျက် ၎င်းတို့ ကြုံရသည့်အခြေအနေကို ပြောဆိုကြသည်။ ဆာလံကျမ်း ၆၁ တွင် ဒါဝိဒ်သည် “စိတ်နှလုံးညှိုးငယ်လျက် မြေကြီးစွန်းမှ ကိုယ်တော်ကို အကျွန်ုပ်အော်ဟစ်ပါ၏။ အကျွန်ုပ်အထက်၌…
မိုနီကာသည် သူမ၏သား ဘုရားသခင်ထံသို့ ပြန်လာရန် အပြင်းအထန်ဆုတောင်း သည်။ သူ၏မနာခံမှုနှင့် ထိန်းကျောင်းရခက်သောအကျင့်တို့ကြောင့် သူမ ငိုကြွေးရပြီး၊ သူနေထိုင်တတ်သည့် မြို့အများအပြားသို့ပင် ခြေရာခံလိုက်ခဲ့သည်။ မျှော်လင့်ချက် မရှိသော အခြေအနေပင်။ သို့သော် တစ်ရက်တွင် မျှော်လင့်ချက်ပြည့်ခဲ့ပါ၏။ သူမ၏ သားသည် ဘုရားသခင်နှင့် နဖူးတွေ့ဒူးတွေ့ တွေ့ခဲ့ပြီး၊ အသင်းတော်၏ အထူးချွန်ဆုံး ဓမ္မပညာရှင်တစ်ဦးဖြစ်လာခဲ့သည်။ သူ့အား ဟစ်ပိုမြို့၏ဂိုဏ်းအုပ်ဆရာတော် Bishop Augustine (ဘီးရှော့ဩဂတ်စတင်း)အဖြစ် ကျွန်ုပ်တို့ သိကြသည်။
တရားမဲ့သူတို့ မတရားသဖြင့် စီရင်ဆုံးဖြတ်ကြခြင်းကို ဘုရားသခင် ကယ်တင် တော်မမူသောကြောင့် (ဟဗ ၁:၄) “အဘယ်မျှကာလပတ်လုံး အကျွန်ုပ်အော်ဟစ်ရပါမည်နည်း” (:၂)ဟု ပရောဖက်ဟဗက္ကုတ် မြည်တမ်းခဲ့သည်။ တရားမျှတမှုမရှိခြင်း၊ မျှော်လင့်ချက်ကင်းမဲ့သည့် ဆေးကုသမှုခံယူခြင်း၊ မပြတ်တမ်းရင်ဆိုင်နေရသည့် ငွေရေးကြေးရေးပြဿနာ (သို့) ဘုရားသခင်အား ကျောခိုင်းသွားသောသားသမီးများ စသည်တို့ကြောင့် မြည်တမ်းရသည့်အချိန်များ၊ ဆောက်တည်ရာမရဖြစ်လျက် ဘုရားသခင်ထံတော်သို့ ကျွန်ုပ်တို့ချဉ်းကပ်ခဲ့သည့်…
တရားဒေသနာ သရုပ်ဖော်မှု၏ တစ်စိတ်တစ်ပိုင်းအနေဖြင့် စင်မြင့်ပေါ်ရှိ ပန်းချီဆရာတစ်ဦး ဖန်တီးထားသည့် လှပသောပန်းချီကားသို့ ကျွန်ုပ်လျှောက်သွားပြီး အလယ်မှနေ၍ အမဲစင်း ဆွဲချလိုက်သည်။ ဝတ်ပြုနေသောပရိသတ်များ အထိတ်တလန့် မှင်သက်သွားကြသည်။ ပန်းချီဆရာက သူမ ဖန်တီးထားသည့်အရာကို ကျွန်ုပ်ဖျက်ဆီးလိုက်သည်ကို အသာရပ်ပြီး ကြည့်နေသည်။ ထို့နောက် စုတ်တံအသစ်တစ်ချောင်းကို ယူပြီး ပျက်စီးသွားသောပန်းချီကားကို လက်ရာမြောက် အနုပညာလက်ရာအဖြစ် ပြောင်းလဲခဲ့သည်။
သူမ၏ပြန်လည်ပြုပြင်မှုက ကျွန်ုပ်တို့၏အသက်တာတွင် ရှုပ်ထွေးမှုများပြုလုပ်သောအခါ ဘုရားသခင် ပြန်လည်ပြုပေးနိုင်သောအမှုကို အမှတ်ရစေသည်။ ပရောဖက်ဟေရှာယသည် ဣသရေလလူမျိုးတို့၏ ဝိညာဉ်ရေးရာမျက်စိကန်း၊ နားပင်းခြင်းအတွက် ပြစ်တင်ဆုံးမခဲ့သည် (ဟေရှာ ၄၂:၁၈-၁၉)။ သို့သော်လည်း နောက်ပိုင်းတွင် “မစိုးရိမ်နှင့်။ သင့်ကို ငါရွေးနုတ်ပြီ” (၄၃:၁)ဟု ဘုရားရှင်၏ ကယ်တင်ခြင်းနှင့် ရွေးနုတ်ခြင်းနှင့်ဆိုင်သည့် မျှော်လင့်ချက်ကို ကြွေးကြော်ခဲ့သည်။ ကျွန်ုပ်တို့အတွက်လည်း ကိုယ်တော် အလားတူပြုပေးနိုင်ပါသည်။ ကျွန်ုပ်တို့သည် အပြစ်ပြုပြီးနောက် အပြစ်များကိုဝန်ခံပြီး ဘုရားသခင်ထံသို့ လှည့်ပြန်ပါက၊ ကိုယ်တော်သည်…
တစ်မနက်ခင်း၌ ကျွန်တော်တို့၏သားသမီးငယ်များ သူတို့ကိုယ်တိုင် မနက်စာပြင်ရန် ဆုံးဖြတ်ခဲ့ကြသည်။ တစ်ပတ်တာလုံး ပင်ပန်းနွမ်းနယ်ခဲ့၍ ကျွန်တော်တို့ဇနီးမောင်နှံသည် ထိုစနေနေ့က မနက် (၇) နာရီထိ အိပ်ရန် ကြိုးစားခဲ့သည်။ ရုတ်တရက် ကျယ်လောင်သောကျကွဲသံတစ်ခုကို ကြားလိုက်ရသဖြင့် အိပ်ရာမှခုန်ဆင်းပြီး အောက်ထပ်သို့ ပြေးဆင်းသွားသောအခါ အစိတ်စိတ်ကွဲနေသောပန်းကန်လုံးတစ်လုံး၊ ကြမ်းပြင်ပေါ်တွင် ပြန့်ကျဲနေသောအုတ်ဂျုံမှုန့်နှင့်အတူ ငါးနှစ်သားလေးဂျိုးနာစ့်၏ အသည်းအသန်ကြိုးစားပြီး ကြမ်းပြင်ကို လှည်းကျင်းသန့်စင်နေသည်ကို တွေ့လိုက်ရသည် (ပို၍ပေပွစေပါသည်)။ ကျွန်တော်၏သားသမီးများ သည် ဗိုက်ဆာနေသော်လည်း အကူအညီမတောင်းရန် ရွေးချယ်ခဲ့သည်။ တစ်ပါးသူအားမှီခိုမည့်အစား လွတ်လပ်စွာလုပ်ဆောင်ရန် သူတို့ရွေးချယ်ခဲ့သည်။ ရလဒ်မှာ ကျေနပ်ဖွယ်ကောင်းသော အချက်အပြုတ် မဟုတ်သည်မှာ သေချာပါသည်။
လူသား၏စံသတ်မှတ်ချက်အရ ကလေးသူငယ်များသည် မှီခိုခြင်းမှသည် အမှီအခိုကင်းခြင်းသို့ ကြီးပြင်းရန်ဖြစ်သည်။ သို့သော် ဘုရားသခင်နှင့်ကျွန်ုပ်တို့၏ ဆက်ဆံရေးတွင် ရင့်ကျက်မှုဆိုသည်မှာ အမှီအခိုကင်းခြင်းမှသည် ကိုယ်တော်ကို မှီခိုအားထားခြင်းသို့ ရွေ့လျားလာခြင်းကို ဆိုလိုသည်။ ဆုတောင်းခြင်းသည် ထိုကဲ့သို့မှီခိုခြင်းနည်းလမ်းကို ကျင့်သုံးခြင်းဖြစ်သည်။ သခင်ယေရူသည်…
ကျွန်တော် (၁၀) နှစ်သားအရွယ်က ခေတ်ပေါ်ခရစ်ယာန်တေးဂီတအဖွဲ့၏ သီချင်း ကက်ဆက်ခွေကို လူငယ်အဖွဲ့သူငယ်ချင်းထံမှ တောင်းပြီး အိမ်သို့ယူခဲ့သည်။ ဟိန္ဒူမိသားစုတွင် ကြီးပြင်းခဲ့ပြီး ခရစ်တော်၏ကယ်တင်ခြင်း ဆုကျေးဇူးကို ရခဲ့သူ ကျွန်တော့်အဖေက လက်မခံခဲ့ပါ။ အိမ်၌ ဝတ်ပြုကိုးကွယ်ခြင်းသီချင်းကိုသာ သူဖွင့်စေခဲ့သည်။ “ဒါက ခရစ်ယာန်အဖွဲ့ပါ”ဟု ကျွန်တော်ရှင်းပြသော်လည်း သူ့စိတ်မပြောင်းလဲပါ။ အတန်ကြာပြီးနောက် ကျွန်တော့်အားထိုသီချင်းများကို တစ်ပတ်ခန့် နားထောင်စေပြီး၊ ၎င်းတို့သည် ကျွန်တော့်ကို ဘုရားနှင့်နီးစေသလား (သို့) ပိုဝေးစေသလားကို ဆုံးဖြတ်ပါဟု အဖေအကြံပြုခဲ့သည်။ ထိုအကြံတွင် အထောက်အကူပြုသော ပညာဉာဏ်ပါရှိပါသည်။
ဘဝတွင် အမှားအမှန် ထင်ရှားပေါ်လွင်သည့် အရာများရှိသော်လည်း ကြိမ်ဖန်များစွာ အငြင်းပွားဖွယ်ကိစ္စများနှင့်သာ ကျွန်တော်တို့နပမ်းလုံးနေကြသည် (ရော ၁၄:၁-၁၉)။ ဘာလုပ်ရမည်ကို ဆုံးဖြတ်ရာ၌ နှုတ်ကပတ်တော်မှ ဉာဏ်ပညာကို ကျွန်တော်တို့ ရှာဖွေနိုင်ပါသည်။ ရှင်ပေါလုက “ပညာမဲ့ကဲ့သို့မဟုတ်၊ ပညာရှိကဲ့သို့ စေ့စေ့မြေ့မြေ့ကျင့်ဆောင်”ရန် ဧဖက်မြို့ရှိ ယုံကြည်သူ တို့အား နှိုးဆော်ခဲ့သည်…
၂၀၀၀ ခုနှစ်တွင် အင်တာနက်မှ ရုပ်ရှင်အငှားစနစ်လုပ်ဆောင်နေသော ထင်ပေါ်ကာစ ကုမ္ပဏီတစ်ခုသည် သူတို့၏လုပ်ငန်းကို ထိုအချိန်က ဘုရင်တစ်ဆူဖြစ်နေသော ရုပ်ရှင်နှင့် ဗီဒီယိုဂိမ်းငှားရမ်းခြင်း လုပ်ငန်းရှင် Blockbuster (ဘလော့ဘာစတာ) ကုမ္ပဏီအား ဒေါ်လာသန်းငါးဆယ်နှင့် ရောင်းချရန် ကမ်းလှမ်းခဲ့သည်။ Netflix (နက်ဖလစ်) ကုမ္ပဏီတွင် အမည်စာရင်းသွင်းသူ သုံးသိန်းခန့်သာရှိပြီး ဘလော့ခ်ဘာစတာတွင် စာရင်းသွင်းသူ သန်းနှင့်ချီ၍ရှိခဲ့သည်။ ဘလော့ခ်ဘာစတာ သည် ၎င်းတို့၏ သေးငယ်သောပြိုင်ဘက်အား ထိုလုပ်ငန်းကို ဝယ်ယူစေခဲ့သည်။ ရလဒ်မှာ ယနေ့တွင် နက်ဖလစ်သည် စာရင်းသွင်းသူ သန်း (၁၈၀)ကျော်ရှိပြီး ဒေါ်လာဘီလီယံ (၂၀၀)နီးပါး တန်ကြေးရှိသည့် ကုမ္ပဏီဖြစ်လာပြီး၊ ဘလော့ခ်ဘာစတာကုမ္ပဏီကမူ ပြိုကွဲသွားသည်။ အနာဂတ်ကို မည်သူကမျှ မခန့်မှန်းနိုင်ပါ။
ကျွန်ုပ်တို့၏အနာဂတ်အစီအစဉ်များ အောင်မြင်ပြီး မိမိဘဝကို ထိန်းချုပ်နိုင်မည်ဟုယုံကြည်မှုရှိရန် ကျွန်ုပ်တို့ သွေးဆောင်ခံရသည်။ သို့သော် ရှင်ယာကုပ်က “သင်တို့ အသက်သည် ... ခဏထင်ရှားပြီးမှ ကွယ်ပျောက်တတ်သော…
ကျွန်တော့်မိန်းမ အမြဲကြည့်ချင်နေသော ဂီတအဖွဲ့၏တင်ဆက်မှု ပွဲကြည့်လက်မှတ်နှင့် သူ့ကိုအံ့သြဝမ်းသာသွားအောင် လုပ်ခဲ့သည်။ ပါရမီရှင်အဆိုတော်များနှင့်အတူ ဖျော်ဖြေမည့်အဖွဲ့က ကော်လိုရာဒို ဆင်ဖိုနီ သံစုံတီးဝိုင်းဖြစ်သည်။ စင်အခင်းအကျင်းက တုနှိုင်းမမီသော Red Rocks (အနီရောင်ကျောက်တောင်များ)၌ ဖြစ်သည်။ ပင်လယ်ရေ မျက်နှာပြင်အထက် ပေ ၆၀၀၀ ကျော်မြင့်သည့်နေရာတွင် ပေ ၃၀၀ မြင့်သော ကျောက်တောင်နှစ်ခုကြား တည်ဆောက်ထားသော အမိုးမဲ့ ပွဲကြည့်စင်ဝိုင်းဖြစ်သည်။ သံစုံတီးဝိုင်းသည် ကျော်ကြားသောဂန္တဝင်သီချင်းနှင့် ရိုးရာသံစဥ်များကို တီးခတ်ခဲ့ပြီး တင်ဆက်မှု၏နောက်ဆုံးသီချင်းမှာ ပြန်လည်ဆန်းသစ်ထားသော ဂန္တဝင်ဓမ္မတေး "အံ့ဖွယ်ကျေးဇူး" (Amazing Grace) ဖြစ်သည်။ လှပညီညာသည့် တီးခတ်မှုအစီအစဥ်က ကျွန်တော်တို့ကို အံ့သြမှုများစွာဖြင့် မိန်းမောသွားစေခဲ့သည်။
ညီညွတ်သောသံစဥ်၌ လှပသောအကြောင်းရာရှိသည်။ တူရိယာတစ်ခုချင်းကို အတူတကွ တီးမှုတ်ခြင်းဖြင့် ပို၍ကြီးမားပြီး သံစဥ်အထပ်ထပ်နှင့် ဂီတဖွဲ့စပ်ပုံကို ဖြစ်ပေါ်စေသည်။ တမန်တော်ရှင်ပေါလုက ဖိလိပ္ပိမြို့သားများအား "အချင်းချင်း ချစ်ကြ၍၊ စိတ်မကွဲပြားဘဲ တစ်လုံးတစ်ဝတည်း…
၁၉၆၀ ပြည့်နှစ်အလွန်၌ လူသားတို့၏စိတ်ပိုင်းဆိုင်ရာအပေါ် အမှောင်ထု၏ သက်ရောက်မှုကို သုတေသနပြုရာ၌ လူနှစ်ဦးပါဝင်ခဲ့သည်။ သူတို့သည် ဂူတစ်ဂူစီသို့ဝင်သွားပြီး သုတေသနပြုသူများက သူတို့၏နေထိုင်စားသောက်ခြင်း၊ အိပ်ခြင်း အလေ့အကျင့်များကို လိုက်စစ်သည်။ လူတစ်ဦးမှာ အမှောင်ထုထဲတွင် ၈၈ ရက်ကြာ နေထိုင်ခဲ့ပြီး၊ အခြားတစ်ဦးမှာမူ ၁၂၆ ရက်နေခဲ့သည်။ အမှောင်ထု ထဲ သူတို့ဘယ်လောက်ကြာကြာ နေနိုင်မည်နည်းဟု သူတို့မှန်းဆခဲ့ကြပြီး၊ လနှင့်ချီ ကြာပြီးမှ ပြန်ထွက်လာခဲ့သည်။ တစ်ဦးက သူ၏တစ်ရေးတစ်မော အိပ်ချိန်ကို ခဏမျှသာဟု သူထင်ခဲ့သော်လည်း စုစုပေါင်း နာရီ ၃၀ အိပ်စက် ခဲ့ကြောင်း တွေ့ရှိရသည်။ အမှောင်ထုသည် မျက်စိလည် စိတ်ရှုပ်ထွေးစေသည်။
ဘုရားရှင်၏လူများသည်လည်း ပြည်နှင်ဒဏ်ခံရဆဲ အမှောင်ထဲ ရောက်နေ ကြောင်း သူတို့ကိုယ်သူတို့ တွေ့ရှိခဲ့သည်။ မသေချာမရေရာမှုနှင့် ဘာဖြစ်လာမည်ကို စောင့်ဆိုင်းနေရသည်။ ပရောဖက်ဟေရှာယက သူတို့၏မျက်စိလည်လမ်းပျောက်နေမှုနှင့် ဘုရားရှင်၏စီရင်ခြင်းအကြောင်းကို ပြောကြားသည့်နည်းလမ်းအဖြစ် အမှောင်ထုနှင့်တင်စားပြီး အသုံးပြုခဲ့သည်…
အချိန်မတူသောနေရာတစ်ခုသို့ လေယာဉ်ဖြင့် ခရီးသွားရာ၌ အချိန်ကြာမြင့်စွာ လေယာဉ်စီးရခြင်းကြောင့် ခံစားရသည့်ပင်ပန်းမှုကို ကုစားမည့် နည်းလမ်းမျိုးစုံကို ကျွန်တော် စမ်းကြည့်ဖူးသည်။ နည်းအားလုံးကို စမ်းပြီးပြီပင် ထင်ပါသည်။ တစ်ကြိမ်တွင် ကျွန်တော်သွားမည့်ဒေသ၏ စံတော်ချိန်ပေါ်မူတည်ပြီး လေယာဉ်ပေါ် အစာစားချိန်ကို ပြန်ညှိရန် ဆုံးဖြတ်လိုက်သည်။ အခြားသူများနည်းတူ ညစာစားမည့်အစား ရုပ်ရှင်သာ ဆက်တိုက်ကြည့်နေပြီး ကြိုးစားအိပ်လိုက်သည်။ ညစာ မစားဘဲ အိပ်လျက် အချိန်ကိုကုန်လွန်စေရန်မှာ ခက်ပါသည်။ နောက်နေ့ လေယာဉ်မဆိုက်မီ စားရမည့်မနက်စာကို အလွန်စားချင်ပြီ ဖြစ်သည်။ ထိုကဲ့သို့ ဘေးလူများနှင့် "ခွဲထွက်နေခြင်း"က ကျွန်တော့်အတွက်အဆင်ပြေခဲ့ပြီး၊ ၎င်းသည် ဒေသစံတော်ချိန်အသစ်တစ်ခုအတွက် ခန္ဓာနရီစည်းဝါးကို လှုပ်နှိုးခဲ့သည်။
ရှင်ပေါလုက ယုံကြည်သူများ၏အသက်တာတွင် ခရစ်တော်ကိုမြင်တွေ့စေ လိုပါက တစ်ပါးသူများ၏တွေးခေါ်ပုံ၊ စဉ်းစားပုံ၊ ပြုမူနေထိုင်ပုံနှင့် မတူကွဲပြားစွာ အသက်ရှင်နေထိုင်ရန် လိုအပ်ပါသည်။ သူက "သင်တို့သည် မှောင်မိုက်အတိ ဖြစ်ကြ၏။ ယခုမူကား၊ သခင်ဘုရား၌အလင်းဖြစ်ကြ၏။ သို့ဖြစ်၍…
ဟားဗတ်တက္ကသိုလ်၏ "အရွယ်ရောက်သူများ ဖွံ့ဖြိုးတိုးတက်မှု"ဆိုင်ရာလေ့လာ ဆန်းစစ်မှုသည် ဆယ်စုနှစ်နှင့်ချီ၍ ကြာမြင့်စွာလုပ်ဆောင်ခဲ့သည့် စီမံကိန်းဖြစ်ပြီး ရလဒ်အနေဖြင့် ကောင်းမွန်သောရင်းနှီးကျွမ်းဝင်မှုဆက်ဆံရေးများ၏ အရေးပါ သော သဘောသဘာဝကို ပို၍ကောင်းစွာ သိရှိနားလည်လာခဲ့သည်။ ထို လေ့လာ ဆန်းစစ်မှုကို ၁၉၃၀ ပြည့်နှစ်ကာလများတွင် ဟားဗတ်တက္ကသိုလ်ရှိ ဒုတိယနှစ် ကျောင်းသား ၂၆၈ ဦးပါဝင်သောအဖွဲ့နှင့် စတင်ခဲ့ပြီး၊ ဘော်စတွန် မြို့တွင်းပိုင်းတွင် နေထိုင်သူ ၄၅၆ ဦးကိုပါ တိုးချဲ့လေ့လာခဲ့သည်။ စစ်တမ်း ကောက်သူများက လေ့လာမှု၌ပါဝင်ခဲ့သူများကို တွေ့ဆုံမေးမြန်းပြီး ၎င်းတို့၏ဆေးကုသမှုမှတ်တမ်းများကိုလည်း နှစ်အနည်းငယ်လျှင် တစ်ကြိမ် ပုံမှန်လေ့လာခဲ့သည်။ ရင်းနှီး ကျွမ်းဝင်မှုရှိသည့် ဆက်ဆံရေးများသည် ကျန်းမာပျော်ရွှင်စွာ နေထိုင်နိုင်ရေး အတွက် အရေးကြီးဆုံးအချက်ဖြစ်ပြီး၊ မိမိအနီးဝန်းကျင်၌ မှန်ကန်သင့်လျော်သော မိတ်ဆွေများရှိလျှင် ပိုမိုနက်နဲသော ဝမ်းမြောက်မှုကိုကျွန်ုပ်တို့ခံစားရမည်ဖြစ်သည်။
ဤအချက်သည် ဖိလိပ္ပိသြဝါဒစာ အခန်းကြီး ၁ တွင် ရှင်ပေါလုဖော်ပြထား သည့်အချက်ကို ထင်ဟပ်နေသလိုပင်။ ရှင်ပေါလုသည် ထောင်တွင်းမှ…